Şabranda 21 yaşlı gənc tanışını bıçaqlayaraq öldürüb.

Rayon Prokurorluğundan Sabah.az-a bildirilib ki, iyunun 15-də 1997-ci il təvəllüdlü Orxan Əliyevin Şabran rayonu ərazisində öldürülməsi barədə prokurorluğa məlumat daxil olub.

Araşdırmalarla zərərçəkmişin tanışı 2001-ci il təvəllüdlü Teymur Cəfərzadənin Orxan Əliyevə çoxsaylı bıçaq xəsarətləri yetirərək qəsdən öldürməsinə əsaslı şübhələr müəyyən edilib.

Faktla bağlı cinayət işi başlanıb. Teymur Cəfərzadə şübhəli şəxs qismində tutulub.

İstintaq tədbirləri davam etdirilir.