Maliyyə nazirinin birinci müavini İlqar Fətizadə “Qurd qapısı” qəbiristanlığında dəfn olunacaq.

Sabah.az “Qafqazinfo”ya istinadən xəbər verir ki, vida mərasimi saat 13:00-da İlqar Fətizadənin Yasamal rayonu İ.Qutqaşınlı küçəsində yaşadığı binada keçiriləcək.

Qeyd edək ki, İ.Fətizadə bu gecə uzunsürən xəstəlik səbəbindən dünyasını dəyişib.

Mərhum 1999-cu ildən maliyyə nazirinin birinci müavini idi.

***

Maliyyə nazirinin birinci müavini İlqar Fətizadə “Qurd qapısı” qəbiristanlığında dəfn edilib.

Vida mərasimi saat 13:00-da İlqar Fətizadənin Yasamal rayonu İ.Qutqaşınlı küçəsində yaşadığı binada keçirilib, daha sonra o dəfn edilib.

Vida mərasimində və dəfndə nazirlər, dövlət və hökumət rəsmiləri iştirak edib.