Ağcabədi rayonunda ağır qəza olub.

Sabah.az APA-ya istinadən xəbər verir ki, hadisə gecə saatlarında Aran qəsəbəsi - Bəhramtəpə magistral yolunda qeydə alınıb.

Yolun Qaravəlli kəndi sahəsindən keçən hissəsində “VAZ-21011” markalı minik maşını eyni istiqamətdə hərəkətdə olan, İran vətəndaşına məxsus qoşqulu yük maşınına çırpılıb.

Qəza nəticəsində minik maşınında olan baba və nəvə həlak olub. Onlar Ağcabədi rayon Təzəkənd kənd sakinləri Qasımov Cahid Camal oğlu və Qasımov Camal Cahid oğludur.

Faktla bağlı araşdırma başlanıb.