Sabah.az Axşam.az-a istinadən xəbər verir ki, müğənni FETÖ ittihamı ilə tutulan iş adamı haqda fikirlərini bildirib. O deyib ki, Mübariz Mənsimov heç vaxt belə bir işlə məşğul ola bilməz, o, təmiz, saf bir insandır:

“Ola bilsin ki, kimlərsə onu ləkələməyə, gözdən salmağa çalışır. Azərbaycan ictimaiyyətinə bəllidir ki, Mübariz Mənsimov necə vətənpərvərdir.

Qayğıkeş bir azərbaycanlı olaraq şəxsən mənə, başqa soydaşlarımıza çox kömək edib. Ona əlini uzadan qazilərə, sağalmaz xəstəlikdən əziyyət çəkənlərə kömək edib. Heç kimin kömək istəyini geri çevirməyib.

Əziz həmvətənlər, gəlin hamılıqla bu cür vətən övladımıza sahib çıxaq, onu ləkələnməyə qoymayaq, öz insanlıq və təəssübkeşlik borcumuzu ləyaqətlə yerinə yetirək. Mübariz Mənsimov kimi oğulları qorumaq hər birimiz üçün olduqca önəmlidir”.