BNA hava şəraiti ilə bağlı sürücülərə müraciət etdi

XƏBƏR
17:50
24 Noyabr 2021
722

Bakı Nəqliyyat Agentliyi (BNA) ölkə ərazisində hava şəraitinin dəyişəcəyi ilə əlaqədar sürücülərə müraciət edib.

Sabah.az xəbər verir ki, müraciətdə deyilir:

“Noyabrın 24-ü günün ikinci yarısından başlayaraq noyabrın 27-dək ölkə ərazisində hava şəraitinin dəyişərək qeyri-sabit və yağıntılı keçəcəyi ilə əlaqədar hərəkət iştirakçılarını diqqətli və ehtiyatlı olmağa çağırırıq.

Piyadalara digər yerlərdə yolun hərəkət hissələrinə çıxmamaları, yolun qarşı tərəfinə keçərkən müəyyən olunmuş piyada keçidlərindən istifadə etmələri tövsiyə olunur.

Sərnişinlərdən xahiş edirik ki, avtobus dayanacaq pavilyonlarında gözləyərkən diqqətli olsunlar. Dayanacaq məntəqəsinin ərazisindən kənarda avtobusa minib-düşməsinlər. Həmçinin Nəqliyyat Mübadilə Mərkəzlərinin ərazisində eyni qaydalara riayət edilməlidir.

Sürücülərə tövsiyə edirik ki, hərəkətdə ikən yollarda müəyyən edilmiş sürət həddinə və yol nişanlarının tələblərinə riayət edəsiniz.

Ümumi hərəkətin təhlükəsizliyi üçün nəqliyyat vasitələrini səkilərdə və ağacların altında park etməyin”.

Xəbər lenti