Azərbaycan Avropa Hərəkatının hazırda həbsdə olan sədri Ramin Hacılı məhkəmədə huşunu itirib.

Sabah.az xəbər verir ki, bu barədə anası Hürü Hacıyeva Qaynarinfo-ya açıqlamasında deyib.

O bildirib ki, oğlu aclıq aksiyası keçirdiyi üçün halı pisləşib:

“Raminin ürəyi getdi, Təcili Tibbi Yardım çağırdılar. Su vermək istədilər, içmədi. Həkimlər gəlib iynə vurdu”.

Proses sentyabrın 14-nə təxirə salınıb.

Qeyd edək ki, Ramin Hacılı Cinayət Məcəlləsinin 178.2.2 (dələduzluq - təkrar törədildikdə), 178.2.4 (dələduzluq-xeyli miqdarda ziyan vurmaqla törədildikdə) və 29,318.1 (Azərbaycan dövlət sərhədini qanunsuz keçməyə cəhd) maddələri ilə təqsirli bilinərək 2 il sınaq müddəti təyin edilməklə şərti cəzaya məhkum edilib.

Prokurorluğun verdiyi protestə Bakı Apellyasiya Məhkəməsində baxılır.