Səhiyyə Nazirliyinin baş infeksionisti Təyyar Eyvazov 3-cü doza vaksinin kimlərə vurula biləcəyinə aydınlıq gətirib.

Sabah.az xəbər verir ki, o, bu barədə nazirliyin instaqram səhifəsində suallara cavab verərkən deyib.

O qeyd edib ki, ilk növbədə, üçüncü doza vaksin olunmalı şəxslər tibb işçiləri, xüsusilə də COVID-lə mübarizə aparan həkimlər, daha sonra 60 yaşdan yuxarı olanlar, müəyyən xroniki xəstəliklər səbəbindən immun sistemi zəif olanlardır:

“Bu şəxslərə üçüncü doza məcburi deyil, sadəcə tövsiyə edilir. Hər şey o insanların qorunması üçündür. Dövlət üçün insan sağlamlığı ön plandadır. Burada heç bir maraq güdülməməlidir”.