Azərbaycan güləşçisi Hacı Əliyev Olimpiya Oyunlarında mübarizəyə başlayıb.

Sabah.az xəbər verir ki, 65 kq çəkidə mübarizə aparan idmançımız 1/8 finalda seneqallı Adama Diatta ilə üz-üzə gəlib.

Rəqibinə 4:0 hesabı ilə qalib gələn Əliyev 1/4 finala vəsiqə qazanıb. O, bu raundda qazaxıstanlı, 3 qat Asiya çempionu Daulet Niyazbekov ilə güləşib.

Rəqibinə 9:1 hesabı ilə qalib gələn Əliyev yarımfinala vəsiqə qazanıb. O, bu raundda hindistanlı Bacranq Puniya ilə qarşılaşıb və qalib gələrək (12:5) finala çıxıb.

Final sabah keçiriləcək. Onun rəqibi yaponiyalı Takuto Otoquro olacaq.

Qeyd edək ki, bu, Azərbaycan Olimpiya yığmasının Tokio-2020-də ilk finalıdır.