Türkiyəni təmsil edən azərbaycanlı atlet Ramil Quliyev “Tokio-2020”də mübarizəyə başlayıb.

Sabah.az xəbər verir ki, 31 yaşlı idmançı 200 metr məsafəyə qaçışda təsnifat mərhələsində finişə 20.54 saniyə ilə ikinci çatıb və yarımfinala yüksəlib.

Yarımfinal mərhələsi Bakı vaxtı ilə saat 15:50-də start götürəcək.

***

 Ramil Quliyev Tokio-2020 Yay Olimpiya Oyunlarında 200 metr məsafəyə qaçışda finala yüksələ bilməyib.

O, yarımfinal mərhələsində finişə 20.31 saniyə ilə 6-cı çatıb.

Qeyd edək ki, finala 3 qrupda ilk iki yeri tutanlar və ən sürətli iki atlet yüksəlib.