Daha iki toyda qaydalar pozuldu - Fotolar

GÜNDƏM
09:16
30 İyul 2021
700

Samux rayonunun Alabaşlı və Qara-arx qəsəbəsində karantin qaydaları pozularaq toy məclisi keçirilib.

Sabah.az xəbər verir ki, DİN mətbuat xidmətinin Gəncə regional qrupundan verilən məlumatda bildirilir ki, hər iki ünvanda ev sahibləri 50 nəfərdən artıq qonaq çağırmaqla övladına toy mərasimi təşkil edib.

Polis əməkdaşları iştirakçılarla profilaktiki söhbətlər apararaq karantin qaydalarını xatırladıb və mərasim təşkilatçıları barədə inzibati protokol tərtib edib.

Bundan başqa rayon ərazisində fəliyyət göstərən  şadlıq saraylarında keçirilən toy mərasiminə dəvət olunan qonaqların COVID-19 pasportu olub-olmaması yoxlanılıb.

Araşdırmalar zamanı COVID-19 pasportu olmayan 65 nəfər restorana buraxılmayıb.

Xəbər lenti