Şamaxıda restoran sahibləri cərimələndi - Foto

ÖLKƏ
16:45
19 İyul 2021
1214

Şamaxı Rayon Polis Şöbəsinin əməkdaşları tərəfindən şadlıq saraylarında təşkil edilən toy mərasimlərində karantin rejiminin qayda və tələblərinə riayət edilməsi məqsədilə nəzarət-profilaktik tədbirlər keçirilib.

Sabah.az xəbər verir ki, DİN-in Mətbuat Xidmətinin Şəki regional qrupundan verilən məlumata görə, aparılan yoxlamalar zamanı “Turist” və “Çinar” restoranlarında qaydaların pozulduğu məlum olub.

Sözügedən məkanlarda məlumatların portalda qeydiyyatdan keçirilməməsi, eləcə də, müəyyən edilən say həddindən artıq qonağın iştirakı aşkarlanıb.

Obyektlərin sahibi - Vüqar Allahverdiyev (“Turist” restoranının sahibi) və Ömər Yusifov (“Çinar” restoranın sahibi) barəsində protokol tərtib olunub və onların hər biri 4 min məbləğində cərimələnib. Toy sahibləri barəsində də qanunvericiliyə uyğun müvafiq tədbirlər görülüb.

Xəbər lenti