Ucarda ağır yol-nəqliyyat hadisəsi baş verib.

Sabah.az xəbər verir ki, hadisə Bakı-Qazax magistralının Ucar rayonundan keçən hissəsində qeydə alınıb. "Opel" markalı minik avtomobili hərəkətdə olarkən "Kamaz" markalı yük maşınına çırpılıb.

Nəticədə minik avtomobilinin sürücüsü Elçin Cəlilov hadisə yerində dünyasını dəyişib. Hadisə nəticəsində ağır dərəcəli bədən xəsarətləri alan sürücünün oğlu, 2019-cu il təvəllüdlü İlyas Cəlilov isə Ucar rayon Mərkəzi Xəstəxanasında vəfat edib.

Digər iki nəfər sərnişin - Xəlilov Zaur Balay oğlu və Xəlilova Aysel Balay qızı da müxtəlif dərəcəli bədən xəsarətləri ilə xəstəxanaya yerləşdiriliblər.

Faktla bağlı araşdırma aparılır.