Kəmaləddin Heydərov jurnalisti hədələyən Araz Musayevi işdən çıxardı

GÜNDƏM
14:53
5 İyun 2021
1393

Fövqəladə hallar naziri Kəmaləddin Heydərov Dövlət Yanğın Nəzarəti Xidmətinin Yanğından icbari sığorta işinə nəzarət şöbəsinin baş mütəxəssisi daxili xidmət polkovnik-leytenantı Araz Furqan oğlu Musayevi vəzifəsindən azad edib.

Sabah.az xəbər verir ki, FHN-dən verilən məlumatda bildirilir ki, Araz Musayev 3 iyun 2021-ci il tarixində Abşeron rayonu, Xırdalan şəhəri, Ş.Qurbanov küçəsi, ev 38 ünvanında vətəndaşların şikayəti əsasında araşdırma aparan kütləvi informasiya vasitələrinin əməkdaşlarının xidməti vəzifələrini yerinə yetirməsinə mane olub və onları hədələyib, bununla da fövqəladə hallar orqanlarının nüfuzunu aşağı sala biləcək hərəkətlərə yol verib.

Qeyd olunanları nəzərə alaraq, fövqəladə hallar naziri, general-polkovnik Kəmaləddin Heydərovun 4 iyun 2021-ci il tarixində imzaladığı müvafiq əmrə əsasən Araz Musayev fövqəladə hallar orqanlarından xaric edilib.

Xəbər lenti