İtaliyalı futbol hakimi Antonio Martinyello qatarın təkərləri altına düşərək faciəli şəkildə həlak olub.

Sabah.az “ll Resto del Carlino” saytına istinadən xəbər verir ki, hadisə İtaliyanın şərqindəki Porto-Potensa-Piçena adlı kənddə baş verib. Martinyello keçmiş sevgilisini təqib etmək ittihamına görə ev həbsində olub. O, elektron qolbağı taxmalı olduğu halda, qaydanı pozub.

Polis dərhal hadisə yerinə gələrək hakimi tutmağa çalışıb. Amma o, evdən qaçmağı bacarıb. Sonra isə bədbəxt hadisə yaşanıb.

Qeyd edək ki, ötən ay adıçəkilən referi Regionlar liqasının matçında qapıçını kəllə ilə vurduğu üçün futboldan uzaqlaşdırılmışdı.