Vətən müharibəsində yaralanıb, 6 ay komada qalandan sonra şəhid olan hərbi qulluqçu Nurlan Əbilov dəfn edilib.

Şəhidimiz bu gün Masallı rayonunun Şərəfə kənd qəbiristanlığında torpağa tapşırılıb.

Qeyd edək ki, N.Əbilov Vətən müharibəsinin ilk günlərindən ordu sıralarına qatılıb, 8 oktyabrda Füzuli uğrunda gedən döyüşlərdə başından ağır yaralanıb. 6 ay komada qalan qazimiz bu gün səhər saatlarında müalicə aldığı Silahlı Qüvvələrin Baş Klinik Hospitalında şəhidlik zirvəsinə ucalıb.

"Füzulinin azad olunmasına görə" medalı ilə təltif edilən şəhidimiz ailəli idi, 3 və 5 yaşlarında iki oğlu var.

Sabah.az APA-ya istinadən fotoları təqdim edir: