Milli Məclisin yeni deputatı Erkin Qədirli parlamentin iki komitəsinin üzvü olacaq.

Sabah.az xəbər verir ki, bu barədə E.Qədirli özünün “Facebook” hesabından məlumat verib:

“Bu gün Milli Məclisin Katibliyində oldum, girişdə koronavirus yoxlanışından keçdim. Deputat nişanımı və rəsmi (deputat sorğusu və s.) blanklarımı aldım. Vəsiqəni ikinci iclasda verəcəklərini söylədilər. Birinci iclas gələn həftə olacaq (günü hələ bilinmir). İki komitəyə yazıldım: 1) Hüquq siyasəti və dövlət quruculuğu (əsas komitəm); 2) Müdafiə, təhlükəsizlik və korrupsiya ilə mübarizə”.

Qeyd edək ki, Erkin Qədirli fevralın 9-da baş tutan növbədənkənar parlament seçkilərində 16 Yasamal İkinci Seçki Dairəsindən deputat seçilib.